Wilujeng Sumping Di Website Bewara Jabar

Berita Harian Seputar Jawa Barat

Walungan Citarum Masih Bala Ku Runtah

  • 2014 views
  • 0 comments

Bandung, BeJa - Taun 2014 nu kaliwat, media Inggris kungsi nayangkeun laporan dokumenter ngeunaan pencemaran Walungan Citarum nu judulna “Unreported World, The World's Dirtiest River”. Reportase ditayangkeun Kemis 10 April 2014 nu kaliwat ku salah saurang reporter Channel 4 Seyi Rhodes, sawatara waktu katukang rame deui.

Eta tayangan ngawawarkeun kondisi walungan nu panggedena di Jawa Barat eta kacida kotorna. Sabari tumpak parahu dayung nu dibarengan ku warga sabudeureun, Seyi nitenan langsung kotorna Walungan Citarum nu bala ku saniskara runtah.

Tilu taun kaselang, sawatara waktu katukang, detikcom sarua nitenan Walungan Citarum nu lokasina aya dihandap sasak atawa Jembatan BBS, Kampung Saapan RW 02 Desa Cipatik Kacamatan Cihampelas Kabupaten Bandung Barat.

Runtah palastik, botol, barang-barang butut, limbah atawa kotoran ti padumukan warga, masih pabacak, ngagunduk kabawa aliran Walungan Citarum nu mendet. Najan kitu, mun seug dibandingkeun tilu taun katukang, volumena ngurangan. Kiwari tumpukan runtah ngan ngagunduk dihandap Jembatan BBS, sedengkeun dina tayangan dokumenter 2014, runtah nutupan ampir sakujur walungan.

Ketua RW 02 Yayan Saeful nembrakkeun, ti saprak aya Program Citarum Bestari jeun Ecovillage nu disawalakeun Pemprov Jabar, volume runtah di Walungan Citarum saeutik ngurangan "Lumayan ayeuna mah runtahna rada ngorotan,” pokna.

Nurutkeun Yayan, tumpukan runtah di Walungan Citarum kajadian mimiti ti taun salapan puluhan (1990). Harita runtah palastik tacan payu dijual. “Ti kuring keur leutik walungan geus kotor. Mana komo ti saprak aya Jembatan BBS, samemehna mah alus. Samemeh taun 1990 masih payus disebut walungan,” pokna.

Dina taun 2000, ti saprak runtah bisa dijual, loba tukang rongsokan nu ngaralaan runtah disapanjang Walungan Citarum. “Sabenerna mun seug rajin mah, saniskara jenis runtah bisa dijual, euweuh nu teu payu,” tandes Yayan.

Jeroning kitu, Kepala Dinas Lingkungan Hidup Kabupaten Bandung Barat (DLH KBB) Apung Hadiat Purwoko nembrakkeun, nu ngalotoran Walungan Citarum lain warga Cihampelas KBB wungkul, tapi ti Kota Bandung, Cimahi, jeung Kabupaten Bandung.

Sataun katukang, Gubernur Jabar nyawalakeun program Citarum Bestari, ngan tug ka kiwari pasualan runtah tacan rengse. Pasualan runtah di Citarum, balik deui ka masarakat jeung kadariaan pamarentah provinsi lantaran aliran Walungan Citarum geus lintas daerah (kabupaten-kota)," ceuk Apung.

Lain saukur tumpukan runtah rumah tangga atawa runtah domestik wungkul nu ngotoran Walungan Citarum nu aya di wewengkon Kecamatan Cihampelas, Kabupaten Bandung Barat. Limbah cair nu dipiceun sangeunahna ku pabrik industri sarua ngotoran walungan.

Panitenan di lapangan, cai walungan nu geus kacampuran limbah industri robah warna jadi hideung, ngabudah turta meledek bau.

"Baheula cai di Walungan Citarum bisa digunakeun pikeun mandi jeung nyeuseuh, tapi kiwari geus teu bisa digunakeun lantaran geus kakotoran runtah jeung limbah pabrik. Baheula di Walungan Citarum bisa ngojay, kiwari geus teu bisa deui. Kuring ngaharepkeun pamarentah bisa sagancangna ngungkulan pasualan di Walungan Citarum,” ceuk salah saurang warga Kampung Saapan RW 02, Desa Cipatik, Kecamatan Cihampelas, Kabupaten Bandung Barat, Juju (56) di Jembatan BBS, sawatara waktu katukang.

Jeroning kitu, nurutkeun Kepala Dinas Lingkungan Hidup Kabupaten Bandung Barat (DLH KBB) Apung, kiwari aya sapuluh pausahaan nu dicepeng Pamarentah Provinsi Jawa Barat jeung Pusat nu diduga ngotoran walungan. “Dua pausahaan keur diproses Pamarentah Pusat. Tilu pausahaan geus rada bener, jeung lima pausahaan diprosesn ku Pamarentah Provinsi Jawa Barat,” pokna.

Apung ngajentrekeun, kawenangan pasualan Walungan Citarum aya di Pamarentah Pusat jeung Pemprov Jabar. Pihakna boga tugas ngabina pausahaan nu ngarumpak aturan. “Pemkab ngan saukur ngabantu supporting sarta ngabina. Naon nu dibutuhkeun pausahaan nu meunang sanksi teguran administrasi, boh ti Pemprov jeung Pusat,” pokna.

Nurutkeun Apung, Instalasi Pengelolaan Air Limbah (IPAL) nu dipiboga pausaahaan industri nu aya di Bandung Barat geus relatif alus turta lolobana geus respesentatif. Ngan dina implementasina tacan optimal, lantaran biayana (operasional) cukup gede. Antukna loba pausahaan bedegong nu miceun limbah cair ka Walungan Citarum. "Mun seug teu repesentatif moal dibere ijin. Limbah cair nu asup ka Citarum lain saukur ti Bandung Barat wungkul, tapi ti Kota Bandung, Cimahi jeung Kabupaten Bandung,” tandesna. (Aming/Wahyudin) 

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |