PWI Pokja Kota Bandung Juara Umum Porwada ll Tingkat Jawa Barat

  • 256 views
  • 0 comments

Bandung, bewarajabar.com - Gubernur Jawa Barat Ahmad Heryawan nandeskeun yen model masarakat jeung peradaban masarakat kiwari gumantung kana ketakna media. “Ku kituna, samemeh medalkeun berita, wartawan dituntut tabayyun atawa cek ricek, sangkan berita nu diterbitkeun bener sakumaha buktosna,” pokna sawaktu ngaluuhan Kagiatan Hari Pers Nasional sarta Penutupan Pekan Olahraga Wartawan Daerah (Porwada) ka II taun 2018, di Hotel Asrilia Jalan Lingkar Selatan Bandung,  Juma’ah (23/2).

Acara diluuhan Plt Ketua PWI Pusat Sasongko Tejo, Pangdam III Siliwangi Mayjen TNI Doni Monardo, Wakapolda Jawa Barat, sajumlah Kepala Daerah Kota/Kabupaten di Jawa Barat, para tokoh pers di Jawa Barat, katut anggota PWI (Persatuan Wartawan Indonesia) sarta para wartawan. Ahmad Heryawan nembrakkeun, PWI mibanda peran nu kalintang pentingna kulantaran ngumpulkeun wartawan nu ngabewarakeun informasi pikeun masarakat.Wartawan mibanda fungsi informasi nu bener turta kalintang diperlukeunna. Salian ti kitu, fakta media, tabayyun turta klarifikasi kalayan sarimbag atawa imbang ngajamin kualitas informasi nu dibewarakeun,” pokna.

Ahmad Heryawan ngaibaratkeun berita nu nyaangkeun nyaeta kawas cai dina kahirupan, cai bersih tur sehat. Nurutkeun Ahmad Heryawan, sawaktu literasi dina bentuk buku tacan rengse, kiwari dina era digital buku kageser, matak bahaya lantaran saniskara informasi henteu kasaring antukna henteu kanyahoan bener salahna.

Kiwari, ceuk Ahmad Heryawan, salian media mainstream mangrupa media cetak, elektronik jeung media online, aya oge media sosial nu bebas ngawawarkeun informasi. “Aya milyaran kecap nu diproduksi unggal poena, teu kurang ti samilyar tiap poena poto diupload. Nu ahirna informasi, berita, foto, jeung saniskara konten dibaca ku milyaran manusa unggal poena nu tangtuna mangaruhan nu maca jeung nu ngadengena,” tandesna.

Ahmad Heryawan mikahayang ayana berita nu bener. Ku kituna samemeh medal leuwih tiheula kudu diproduksi kalayan bener, dipariksa kalayan tinimbanganna bener sangkan jadi berita nu mampuh nyaangan masarakat. Ahmad Heryawan yakin mun seug nyalametkeun bangsa bakal gumantung kana media, lantaran mawa amanah nu beurat pikeun bisa ngabewarakeun nerita nu ngadidik, berita nu jadi kaberkahan pikeun masarakat, tangtuna ajen inajen agama kudu diselipkeun pikeun nambah kayakinan turta ngajauhan kamadorotan.

Acara nu disponsoran Bank BJB sarta nu sejenna oge lumangsung penutupan Porwarda ka II taun 2018. Sapoe samemehna dua medali emas tina cabang bowling, di Siliwangi Bowling Center, Kemis (22/2) beunang ku PWI Pokja Kota Bandung. Eta hasil ngajadikeun PWI Pokja Kota Bandung nepika Juma’ah (23/2) mimpin klasemen Porwada II Jabar 2018 di Bandung.

Predikat Juara Umum eta medali emas diantarana tina nomor ku asmana Emas 1.Atletik  Pujo, 2. Catur Cepat Darwis, 3. Catur  Kilat Darwis, 4. Tenis Meja Eep& Nana 5. Bulu Tangkis  Ari Yadi.. 6.Bilyard  ardiansyah, 7 Bowling Satria & Budi Azwar, 8. Bowling Satria & Budi Azwar, Perak  1. Tenis Meja Eep 2. Bulu Tangkis Deni. Perungu 1. Atletik Dudi Hendayat, 2 Tenis Meja Nana, 3. Bowling Hardiyansyah & Syamsudin, 4. Bowling Budi Azwar, 5. Gapleh Asep Budi & Ari. Jeroning kitu, Ketua PWI Jabar Mirza Zulhadi nembrakkeun, Porwada Jabar munggaran dilaksanakeun taun 1987  di Sumedang. Sanggeus eta kagiatan teu kungsi diayakeun deui, karek dina taun 2018 ieu dilaksanakeun deui. “Porwada ieu ngarupakeun seleksi warta­wan mapag persiapan Jabar ngiluan Porwanas (Pekan Olah Raga Wartawan Nasio­nal) di Papua taun 2019 nu bakal datang,” pokna.

Mirza miharep kagiatan Porwada ieu jadi agenda rutin satiap tilu taun sakali atawa sataun samemeh pelaksana­an Porwanas. Ku kituna, wartawan hasil tina Porwada ieu disiapkeun pikeun jadi anggota Kontingen Jabar dina Porwanas. “Porwada ieu ngarupakeun tempat silaturahmi, ngaraketkeun sosobatan, sarta ieu kagiatan pikeun nu statusna wartawan. PWI Kota/Kabupaten bisa ngajukeun diri jadi pribumi saterusna,” tandesna.

 

Puncak ngareuah reuah HPN (Hari Pers Nasional) tingkat Jawa Barat dilaksanakeun  peutingna acara penutupan Porwada Jabar jeung puncak Hari Pers Nasioanal (HPN) di Hotel Asrilia Bandung Jl. Pelajar Pejuang Juma’ah peuting (23/2/2018). dieusi ku acara mere pangajen ka Gubernur Jawa Barat Ahmad Herya­wan, Netty Prasetiyani Her­ya­wan, Ke­tua Umum KONI Jabar Ahmad Saefudin, atlet terbaik putra jeung putri, pelatih terbaik, sarta cabang olah raga terbaik. Lian ti kitu direuah reuah ku pintonan lagu-lagu lawas The Beatles nu dibawakeun ku Mat Bitel Band sarta kasenian angklung barudak SD Pelita Kota Bandung. (Derif)

 

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |