Pimpinan DPRD Jabar Narima Dongdonan Dubes Singapura

  • 297 views
  • 0 comments

Bandung - Bewarajabar.com
    Pimpinan DPRD Provinsi Jawa Barat, Haris Yuliana katut Abdul Harris Bobihoe sarta Ketua Komisi I, Syahrier dibarengan Sekretaris DPRD Daud Achmad narima dongdonan Duta Besar Singapura pikeun Indonesia, Anil Kumar Nayar, dirohangan gawe Ketua DPRD Provinsi Jawa Barat, sawatara waktu katukang.
    Dongdonan Duta Besar Singapura ka DPRD Provinsi Jawa Barat ngarupakeun nu katilu kalian, madungdengkeun deui ngeunaan gawe babarengan antara Pemprov Jabar jeung Pamarentah Singapura nu perlu ditingkat keun deui.
    Dina eta kasempetan, Anil Kumar meunang penjelasan ngeunaan kondisi Jabar kiwari ka asup situasi ekonomi ti Wakil Ketua DPRD Jabar Haris Yuliana katut Abdul Harris Bobihoe. “Kondisi perekonomian di Jawa Barat relatif hade, samalah tumuwuh ekonomina diluhureun rata-rata nasional,” ceuk Haris Yuliana.
    Tumali jeung prioritas pangwangunan di Jawa Barat kiwari, sakumaha nu ditanyakeun ku Dubes Singapura, Bobihoe nga jentrekeun, kiwari prioritas pang wangunan di Jawa Barat nyaeta infrastruktur salian ti ekonomi jeung pendidikan. “Kiwari keur ngarengsekeun pangwangunan BIJB di Majalengka, Insya Allah taun 2018 geus bisa digunakeun,” pokna.
    Ketua Komisi I, Syahrier ngaharepkeun pikeun leuwih ngahangketkeun deui hubungan kadua pamarentah diharepkeun ayana gawe babarengan, sakumaha sababaraha gawe babarengan “Sister City” nu geus dilaksanakeun Pemprov Jabar jeung sababaraha nagara bagian di Tiongkok jeung Rusia, Jepang, Maroko jeung nagara sejenna.
    Nitenan eta hal, Anil nandeskeun yen pasualan konektivitas atawa ”keterhubungan” ieu kalintang pentingna, kaasup dina sektor pariwisata. “Pariwisata sabenerna henteu rumit nu penting aya connectivity,” pokna.
    Tumali jeung gawe babarengan dina bidang investasi nu di laksanakeun ku nagarana nu jadi perhatian nyaeta ngeunaan regulasi upah minimum sarta buruh nu teu militan. “Eta hal nu jadi faktor penting,” tandes Anil. (Amat Heryadin)

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |