Pemkab Garut Ngabagikeun 2.000 Sertifikat Tanah Haratis

  • 313 views
  • 0 comments

Garut, BeJa - Pamarentah Kabupaten Garut ngabagikeun 2.000 sertifikat tanah sacara haratis. Eta hal dipapag kalayan daria ku warga nu geus heubeul nganti ngantina.

Bupati Garut Rudy Gunawan nembrakkeun, Program Pendaftaran Tanah Sistematis Lengkap (PTSL) nasional Badan Pertanahan Nasional/Agraria nu dilaksanakeun di Kabupaten Garut diakui tinekanan. Eta hal bisa dititenan tina gedena animo masarakat nu ngiluan eta program. "Totalna aya 2.000 sertifikat nu dibagikeun tina kuota 6.000, kuring optimistis sagemblengna bisa kahontal samemeh ahir taun,” pokna sarengsena pembagian sertifikat di Lapangan Desa Margalaksana Garut, sawatara waktu katukang.

Nurutkeun Rudi, gedena potensi lahan nu asup dina agenda sertifikat tanah di Kabupaten Garut ngabutuhkeun perhatian husus, untungna kasiapan petugas administrasi, petugas ukur jeung pencatatan nu aya di Pemda Garut, ngabagikeun sertifikat bisa dilaksanakeun saluyu target. “Koordinasi jeung BPN lumangsung lancar lantaran geus disiapkeun sapagodos rencana program nasional," pokna.

Jeroning kitu, Kepala Badan Pertanahan Nasional (BPN)/Agraria Kabupaten Garut Hayu Susilo netelakeun, sarengsena ditetepkeunna program PTSL jadi program unggulan nasional, lembagana langsung nyiapkeun sakabeh perangkat lapangan pikeun nyukseskeun eta program.

Total kuota 6.000 sertifikat pikeun Garut taun ieu, ngabagikeunna sawareh sawareh. Tahap kahiji 500 sertifikat langsung diserenkeun Presiden Jokowi sawatara waktu nu kaliwat, sedengkeun tahap kadua 2.000 sertifikat. Totalna nu geus dibagikeun ka masarakat Garut nyaeta 2.500 sertifikat. “Sesana bakal dibagikeun dina taun ieu, sakabeh sertifikat nu geus diajukeun keur diproses," tandes Hayu.

Kepala Seksi Hubungan Hukum Pertanahan BPN Kabupaten Garut Harnida Darius nambahkeun, jatah kuota kahiji ngan pikeun sadesa jeung sakelurahan di dua kacamatan. "Pikeun kelurahanna Cimuncang Kecamatan Garut Kota, sedengkeun desana Margalaksana, Kecamatan Cilawu," pokna.

Harnida ngajen, pikeun tahap kahiji sertifikasi tanah haratis sacara nasional lumangsung saluyu target, najana kitu aya keneh rereged kayaning minimna wawasan warga ngeunaan program sertifikat tanah pamarentah, sarta loba nu ngabogaan tanah cicingna di luar daerah. “Diharepkeun taun hareup kuota sertifikat tanah pikeun Garut nambahan minimal Garut meunang 20 rebu kuota sangkan leuwih loba deui masarakat nu narimana, tapi eta gumantung pusat,” pokna. (Uca/Agus) 

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |