Pasanggiri Busana Perjuangan Pokalna PWI Pokja Kota Bandung Nu Narungkulan Kacida Katajina Ku Eta Pintonan

  • 1640 views
  • 0 comments

  Bandung, Beja

    Pagelaran Pasanggiri Perjuangan Bandung Lautan Api (BLA) Tingkat SKPD Kota Bandung 2017 nu diayakeun sawatara waktu katukang di Aula serbaguna Pemkot Bandung lumangsung meriah, nu narungkulan ngarasa kataji ku eta pintonan.
    Eta pintonan nu diayakeun ku PWI Pokja Kota Bandung teh rukun gawe jeung Pamarentah Kota Bandung, Dinas Budaya dan Pariwisata Kota Bandung katut Bank BJB. Eta acara dibuka ku Asisten Daerah II Kota Bandung, Insinyur H. Iming Ahmad nu ngawakilan Walikota, Ridwan Kamil. Oge ieu kagiatan teh ditungkulan ku Ketua Dharma Wanita, Atalia Prasatya Kamil anu oge salaku jadi juri kehormatan, Plt. Kepala Dinas Budaya dan Pariwisata Kota Bandung, Drs. Pagat Risjanuar Passa M.MPd katut para pajabat Pemkot Bandung.
    Pasanggiri nu dimimitian jam 14.00 Wib ieu teh dibuka ku pintonan rampak kendang ti Dinas Pariwisata. Teu kaliwat oge dipintonkeun panampilan para model professional jebolan Galazema School ku pintonan make kabaya ti “Tinong Kebaya”.
    Dina biantarana tinulis nu dibacakeun ku Asisten II, Ridwan Kamil nandeskeun, kacidana apresiasi kana Pasanggiri Busana Perjuangan anu digagas PWI Pokja Kota Bandung. Muga-muga bae nguatan tali perjuangan para pajoang Bandung Lautan Api (BLA) jeung generasi ayeuna. Kitu deui mangrupa momentum nguatan pancen wartawan jeung masarakat keur kamitraan antara PWI Pokja Kota Bandung jeung Pamarentah Kota Bandung.
    Ceuk Ridwan Kamil, pancen wartawan ngandung pancen penting tur strategis, dina kahirupan masarakat. Sajarah nyatet, dibeubeulahan dunya dimana bae, pancen wartawan salilana dibalitungkeun, jeung bisa mere kauntungan pikeun pihak-pihak anu aya patali kapentingan. “Kuring miharep wartawan nu ngagabung di PWI Pokja Kota Bandung kudu tetep nepikeun warta-warta jeung informasi anu bener, akurat, saimbang, jeung bisa dipertanggung jawabkeun anu hasilna ngaronjatkeun partisipasi masarakat dina pangwangunan jeung ngungkulan pasoalan-pasoalan sosial, ekonomi jeung lingkungan”, pokna Ridwan Kamil.
    Ku sabab eta ditetelakeun ku Ridwan Kamil, sok sanajan Pasanggiri ieu teh mangrupa wujud budaya jeung ngandung unsur mekarkeun kreatifitas masarakat, promosi potensi ekonomi jeung pariwisata Kota Bandung, tapi ku sabab nu ngayakeunana PWI Pokja Kota Bandung, ku hal ieu umajak kudu bijaksana nyanghareupan informasi-informasi parantaraan media sosial, teu kahasut ku warta bohong atawa hoax. Kudu waspada kana provokasi paham-paham terorisme jeung radikalisme, tur tetep ngajaga kaajegan NKRI dina Gapura Pancasila jeung UUD 1945.
    Ketua PWI Pokja Kota Bandung, Hardiansyah ngajentrekeun, ieu acara Pasanggiri Busana Perjuangan BLA teh mangrupa program awal ti PWI Pokja Kota Bandung, nu sakaligus pikeun ngareuah-reuh mieling kajadian Bandung Lautan Api ka 71.
    “Kuring miharep tina ieu kagiatan teh lain ngan wungkul jadi hiburan, tapi sing bisa ngajadikeun implengen umumna pikeun masarakat Kota Bandung, hususna pikeun aparatur sipil nagara (ASN) di lingkungan Pemkot Bandung dina neuleuman hiji perjuangan nyaeta peristiwa Bandung Lautan Api”, pokna. Marengan jeung mekarna jaman, ceuk Ketua PWI Pokja Kota Bandung anu akrab disebut bung Andy ieu, sadar atawa henteu rasa nasionalisme beuki dieu beuki puyar. Upamana, tambahna, tina hal anu saderhana anu ngagambarkeun kacida leutikna rasa nasionalisme, diantarana waktu ngalaksanakeun upacara bandera. Dina mieling Hari Besar Nasional, saperti BLA masih loba keneh anu teu bisa ngahartikeun tina eta upacara, jeung ngan ukur ngalaksanakeun sacara serimonial, jeung hiburan wungkul tanpa ngandelan rasa nasionalisme. 
    “Padahal eta upacara teh mangrupa sikep keur ngahormat jeung ngahargaan jasa para pahlawan urang anu geus berjoang ngarebut kamerdekaan ti kakawasaan panjajah”, pokna.
Mudah-mudahan, ceuk bung Andy, ku ayana kagiatan Pasanggiri Busana Perjuangan BLA ieu ajen-ajen nasionalisme bisa mancegkeun pikiran para generasi ngora. Nepi ka bisa mere jeung ngandelan pamahaman kana sikep Cinta Tanah Air katut rasa hormat kana jasa para pahlawan. Tujuan ieu acara teh tangtuna oge mangrupa silaturahim antar anggota PWI, husus PWI Pokja Kota Bandung, jeung mangrupa wadah kamitraan antara wartawan jeung SKPD dilingkungan Pamarentah Kota Bandung”, pokna Andy. Salian ti eta waktu lumangsungna Pasanggiri Perjuangan BLA, Rusyandi salaku Litbang PWI Pokja Kota Bandung ngadadarkeun, ieu pasanggiri teh diiluan ku 56 urang ti rupa-rupa SKPD di lingkungan Pemkot Bandung dina marebutkeun tropi Walikota Bandung, DPRD Kota Bandung, Dinas Kebudayaan dan Pariwisata Kota Bandung, PWI Pokja Kota Bandung, tropi Bank BJB jeung hadiah duit kontan.
    Pikeun anu arunggul dina eta pasanggiri, ceuk Rusyandi, Juara 1 diboyong ku Muhammad Nurdandi wawakil ti Kacamatan Sukajadi, Juara 2 disabet ku Widi Munajat wawakil ti bagian Layanan Pengadaan, Juara 3 diboyong ku Fahlaq wawakil ti Humas Setda, Juara Harapan disabet ku Ai Kurniasih wawakil ti Kacamatan Ujung Berung, jeung Juara Favorit diboyong ku Fitri Sri ti perwakilan Kacamatan Lengkong. Sedengkeun keur supporter anu paling sumanget beunang ku Dinas Satpol PP, PDAM jeung Kacamatan Lengkong. (Amat)
Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |