Komisi IV DPRD Jabar Meredih Ngungkulan Jalan Sagemblengna

  • 228 views
  • 0 comments

Bandung, bewarajabar.com - Komisi IV DPRD Provinsi Jawa Barat meredih ngomean infrastruktur jalan henteu kajebak kana program rutinitas taunan. Tapi kudu kaintegrasi jeung ngomean infrastruktur sejenna pikeun nyapagodoskeun pangwangunan wilayah di Jabar.
Anggota Komisi IV DPRD Jabar, Hasbullah Rahmad nembrakkeun, aspek ngungkulan jalan salila ieu masih kapaku dina rutinitas program nu dilaksanakeun satiap taunna. Padahal, aspek penting sejenna perlu diprioritaskeun. Pangwangunan nu sajalan jeung ngomean infrastruktur jalan saperti drainase perlu daria ngungkulannana di sababaraha wilayah. Pedah, eta hal dampakna kana bencana banjir contona di kawasan Dayeuhkolot.
“Sangkan umur jalanna jadi leuwih panjang, didorong ngomean jalan sapaket jeung drainasena,” ceuk Hasbullah di Kawasan Jalan Ciparay Majalaya Kabupaten Bandung, sawatara waktu katukang.
Hasbullah ngajentrekeun, dina perencanaan program kagiatan mitra saterusna dewan ngadorong rengrengan OPD nu aya patula patalina ngarencanakeunna sacara komprehensif. Pihakna ngajen mun seug eta dilaksanakeun kalayan asak tangtuna lain saukur umur make infrastruktur jalan nu relatif leuwih heubeul oge aspek ningkatkeun pergerakan ekonomi moal kabangbaluhan. “Tangtuna kudu aya koordinasi jeung wilayah kabupaten/kota sarta disapagodoskeun jeung keuangan daerah,” pokna.
Salian ti kitu, ceuk Hasbullah, prioritas jalan provinsi diwilayah perbatasan cukup penting boh kualitas kitu deui lebar jalan. Tangtuna pikeun ningkatkeun perekonomian kudu dirojong jeung pangwangunan infrastruktur nu hade. Ku kituna, sektor sejenna bakal tumuwuh, pelayanan kasehatan, pendidikan sarta roda perekonomian bakal tumuwuh. “Sabalikna, mun seug perbatasan teu diperhatikeun sarua jeung euweuh pamarentah didinya,” tandesna. (Amat Heryadin)

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |