Wilujeng Sumping Di Website Bewara Jabar

Berita Harian Seputar Jawa Barat

Ketua PGRI Jabar Edi Parmadi : Provinsi Jawa Barat Kakurangan Guru

  • 2321 views
  • 0 comments

 

Bandung, Beja

Ketua Persatuan Guru Indonesia (PGRI), Edi Parmadi nembrakkeun, Provinsi Jawa Barat kakurangan 85 rebu guru PNS pikeun tingkat SD (Sekolah Dasar). Siswa SD di Jawa Barat jumlahna aya opat juta leuwih, sedengkeun guru PNS kiwari jumlahna 126 rebu.

“Jabar butuh 211 rebu guru, kiwari kakurangan 85 rebu. Dumasar data ti Dinas Pendidikan, guru honor jumlahna aya 73 rebu, mun seug diangkat kabehanna Jabar tetep kakurangan guru,” ceuk Edi, di rohangan gawena, sawatara waktu katukang.

Nurutkeun Edi, pihakna meunang informasi yen Pamarentah Pusat mere kawenangan ka provinsi nu ngabogaan dana pikeun ngangkat guru honor jadi ASN (Aparatur Sipil Negara) formasi Pagawe Pamarentah ku Perjanjian Kerja (P3K). Sanajan kitu, guru honor nu diangkat ngan saeutik.

“Kakurangan tenaga guru dihariwangkeun bakal mangaruhan ajen pendidikan. Guru moal optimal dina mere perhatian mun seug saurang guru kudu ngajar siswa leuwih ti 20 urang. 85 rebu pikeun guru SD wungkul, tacan pikeun SMP jeung SMA,” ceuk Edi.

Edi ngaharepkeun, pamarentah pusat kitu deui provinsi bisa sagancangna ngangkat guru-guru nu statusna honor jadi ASN. Pikeun nutup kakurangan, saheulaanan Dinas Pendidikan bisa tetep ngagawekeun guru nu pangsiun. Saperti Kabupaten Indramayu, guru nu pangsiun tetep digawekeun. Eta hal bisa dilarapkeun di daerah sejen, lantaran tiap taun guru nu pangsiun tangtu aya,” pokna. (Amat Heryadin)


Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |