Gawe Babarengan Jeung Disdik Sarta PGRI Kejati Jabar Daria Ngasosialisasikeun Jaksa Sahabat Guru ka Sakola Sakola

  • 175 views
  • 0 comments

Bandung, bewarajabar -Kejati Jabar (Kejaksaan Tinggi Jawa Barat) daria ngasosialisasikeun program Jaksa Sahabat Guru ka sajumlah sakola di unggal tingkatan di Jawa Barat. Kagiatan hasil kolaborasi antara Kejati Jabar, Dinas Pendidikan Jabar, jeung PGRI (Persatuan Guru Republik Indonesia) Jawa Barat eta dilaksanakeun oge ka para pendidik katut pagawe di lingkungan sakola.

Kepala Kejati Jabar, Raja Nafrizal nembrakkeun, program nu resmi disawalakeun 23 Oktober 2018 nu kaliwat eta muncul wujud tina kaprihatinan Kejaksaan kana kondisi para "pahlawan tanpa tanda jasa". Para guru mindeng disanghareupkeun jeung pasualan hukum pedah henteu paham dina hal ngalola administrasi keuangan di sakola.

 

“Lian ti kitu eta program ngarupakeun bentuk rojongan dina hal ngawujudkeun visi Jabar Juara Lahir Batin jeung Zero Korupsi, teu iwal dina bidang pendidikan,” tandes Raja sarengsena sosialisasi di SMAN 9 Bandung, Kemis (8/11/2018).

Nurutkeun Raja, guru nu tugas utamana ngajar jarang dibekelan wawasan ngalola keuangan contona ngalola dana BOS atawa sumbangan sejenna. “Guru mindeng kajebak dina kasalahan aturan, mana nu aya patula patalina jeung hukum jeung mana nu henteu,” pokna.

Ku kituna, ceuk Raja, para guru kudu dibekelan ngeunaan wawasan hukum. Salah sahiji nu diinstruksikeun nyaeta para Jaksa sa Jawa Barat kudu marengan para guru ka sakola sarta ngalaksanakeun eta program sacara rampak tur nerus ngalaksanakeunnana.

Raja miharep kuayana eta program euweuh deui para guru di sakola nu kudu urusan jeung pasualan hukum. "Jaksa bakal marengan turta konsultasi ngeunaan katangtuan atawa kebijakan sakola, sangkan henteu pageduk jeung hukum, samalah kajebak dina pasualan hukum," pokna.

Gubernur Jawa Barat Ridwan Kamil ngaapresiasi disawalakeunna Program "Jaksa Sahabat Guru" eta. Kuayana eta program diharepkeun pangwangunan di Jawa Barat bakal leuwih kajamin, turta pasualan nu biasa muncul bisa ngurangan. “Eta program nu kalintang hadena. Salila ieu fokus kana pendampingan dimensi pangwangunan, kiwari difokuskeun kana dunia pendidikan,” pokna.

Jeroning kitu, Sekretaris Dinas Pendidikan Jawa Barat, Firman Adam, ngebrehkeun, program Jaksa Sahabat Guru jadi lengkah awal, sangkan para guru katut perangkat pendidik di sakola bisa apal naon wae nu aya hubunganna jeung hukum.

“Kahareupna aya komunikasi terusanna antara guru jeung Jaksa pikeun bisa konsultasi ngeunaan naon wae nu bakal dilaksaankeun sangkan henteu pageduk jeung hukum. Eta hal bisa jadi upaya preventif (pencegahan) jeung edukasi dina raraga taat kana katangtuan hukum,” tandes Firman.

Tumali jeung eta hal, Kepala Disdik (Dinas Pendidikan) Kota Bandung, Elih Sudiapermana nandeskeun, ngaapresiasi turta nganuhunkeun kana tarekah Kejati Jabar nu geus ngasosialisasikeun program Jaksa Sahabat Guru ka para pendidik di tiap sakola.

Nurutkeun Elih, eta program kagiatan bisa ngajadikeun ngawujudna jembatan komunikasi positif antara guru jeung Jaksa. Nu salila ieu aya persepsi ngajalankeun tugasna sewang sewangan, kaasup nalika aya urusan jeung pasualan hukum.

Elih ngaharepkeun, kahareupna aya rekomendasi hukum nu bisa dipahami babarengan, sangkan sakabeh program kerja jeung tugas pendidik di sakola bisa dilaksanakeun kalayan sahade hadena turta henteu ngarumpak rambu-rambu nu aya patula patalina jeung potensi hukum. (Adar ) 

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |