Wilujeng Sumping Di Website Bewara Jabar

Berita Harian Seputar Jawa Barat

Dhara Kalibet Awas Banyak Copet

  • 1975 views
  • 0 comments

KOTA Bandung memang pas, lamun meunang sebutan "gudang" para artis. Gera weh kiwari geus mucunghul deui artis, anu keur meumeujeuhna nanjer. Na saha atuh artis ieu teh..? Dhara Shang, ieu ngaran artis nu keur meumeujeuhna nanjer karirna di dunya akting teh.

Taun 2009 mimiti "terjun" kana dunya akting, kungsi milu maen dina sinetron "Menggapai Mimpi" nu tayang di PJTV. "Memang ngawitan " terjun" kana akting. Nyaeta ngiring maen dina sinetron "Menggapai Mimpi" nu tayang di PJTV," ceuk Dhara muka obrolanana. Sawatara waktu ka tukang di salasahiji "cafe" nu aya di kota Bandung.

"Alhamdulillah kulawarga ngadukung, kana karir anu ayeuna nuju diteuleuman," pokna deui. Taun 2015 alatan bakat aktingna  kaitung alus, ahirna maen deui dina filem " Gelas Gelas Kaca", Dhara "adu akting" jeung artis-artis senior. Diantarana Nia Daniati, Cindy Harahap, Cok Simbara , Fendy Chow, Aurellie jeung Dera.

"Alhamdulillah salami syuting, abdi janten seueur pangalaman ti para artis senior," ceuk Dhara mojang kalahiran Bandung, 20 Maret 1997 ieu, semu nu bungah pisan. Kitu deui dina filem Baracas "Barisan Anti Cinta Asmara". Dhara maen sa-frame jeung Ringgo Agus, Budi Doremi, Eddy Brocoly, Tika Bravano jeun Cut Mini. Kitu deui milu maen dina sinetron "Kampung Kendang", FTV "Life Begins at 30". Sarta sababaraha filem jeung sinetron lianna.

Dhara oge remen diondang dina acara-acara nu aya patalina jeung seni budaya. Malahan sawatara waktu katukang diondang dina "Acara Musyawarah Agung dan Silaturahmi Keraton Se- Nusantara" nu lumangsung di salasahiji hotel berbintang kota Bandung.

"Alhamdulillah abdi dileler janten "kerabat" ti Keraton Pakualam Yogjakarta. Malihan abdi dipasihan gelar/kekancingan (Bahasa Jawa) "Raden Ajeng Tumenggung Adistaningrum"," ceuk Dhara Shang semu nu bungah pisan. Kiwari Dhara oge "kalibet" dina sinetron anu ayeuna keur tayang di RCTI nyaeta sinetron "ABC" (Awas Banyak Copet) buah karya Sutradara/Penulis Skenario nu geus teu bireuk deui nyaeta Aris Nugraha.

Nilik kana pangawakanana anu jangkung 166 cm tur beurat 49 kg Teu salah lamun anak ka dua ti opat sadulur pasangan Noviyanto jeung Tati Rachmawati ieu. Kungsi oge dileler anugerah "Mojang Kota Bandung" taun 2015 jeung "Puteri Indonesia Persahabatan Jawa Barat" taun 2016.

Dunia seni memang geus jadi bagian tina kahirupan Dhara Shang. Sok komo deui, nu jadi kolotna milu ngarojong kana pilihan nu jadi anak kameumeutna ieu. "Kapercantenan keluarga, tangtos janten "energi" sumanget kanggo abdi pikeun teras niti karir," ceuk Dhara Shang pinuh sumanget. "Pokona abdi kedah yakin," pokna deui tandes pisan. (Herdy)

 

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |