Ceuk Dadang Naser : SDM Kab Bandung Teu Meunang Kagiles Zaman

  • 195 views
  • 0 comments

Soreang, bewarajabar - BLK (Balai Latihan Kerja) Kabupaten Bandung diharepkeun bisa ningkatkeun kualitas hirup masarakat, hususna dina bidang SDM (Sumber Daya Manusia). Ku kituna, perlu ngalibetkeun paguron luhur atawa perguruan tinggi pikeun ngayakeun pelatihan tur pembinaan calon tenaga kerja nu siap digarawe sarta nyiptakeun jiwa wirausaha.

"Materi latihanna ti 50 paket nu aya di BLK ieu mun seug bisa ditambahan pikeun ngaronjatkeun kualitas SDM. Mana komo kiwari zamanna berdaya saing, tong nepika tenaga kerja luar bebas asup ka Indonesia. Kudu nyiapkeun SDM, sangkan henteu kagiles ku zaman,” ceuk Bupati Bandung H. Dadang M. Naser waktu ngaresmikeun BLK di Kampung Manggahang Kelurahan Manggahang Kacamatan Baleendah Kabupaten Bandung, Salasa (27/3/2018).

Dadang Naser ngaharepkeun, gedong BLK ieu sanggeus dibangun tur diresmikeun henteu kosong molongpong unggal poe kudu aya nu latihan kerja. Diharepkeun infrastruktur ti Unpad, ITB jeung paguron luhur sejenna dilibetkeun pikeun ngayakeun pelatihan jeung pembinaan calon tenaga kerja nu siap digarawe sarta nyiptakan jiwa wirausaha. Nginget, Pemkab. Bandung geus aya MoU jeung eta paguron luhur. Lantaran pikeun nambahan tenaga kerja ti ASN (Aparatur Sipil Negara) teu mungkin lantaran Kabupaten Bandung geus loba teuing. “ASN di Kabupaten Bandung panglobana turta pangheurinna,” tandesna.

Lian ti kitu, ceuk Dadang Naser, diharepkeun kuayana BLK ieu bisa nyiptakeun lapangan kerja anyar sarta wirausaha baru. BLK ieu bisa ngadorong turta nyiptakeun pangusaha andal, padagang jeung petani andal. “Di BLK ieu kudu aya latihan agrobinis, lain saukur latihan kerja," pokna.

Jeroning kitu, Kepala Dinas Tenaga Kerja & Transmigrasi Kabupaten Bandung H. Rukmana ngebrehkeun, eta BLK dibangunan dina lahan legana 6,5 ha. “Eta BLK mutlak diperlukeun pikeun ngawujudkeun visi Kabupaten Bandung maju mandiri tur berdaya saing. Sinergi pangwangunan berwawasan lingkungan tur kultural," ceuk Rukmana.

Rukmana ngaharepkeun, BLK bisa ngaronjatkeun karaharjaan masarakat, bisa ngurangan nu ngalanggur, muka lapangan kerja sarta ngungkulan kamiskinan. Salian ti kitu jadi sarana ngagancangkeun pendidikan jeung ngamekarkeun wawasan. “BLK ieu diharepkeun mampuh ngaronjatkeun SDM masarakat Kabupaten Bandung,” tandesna.

Rukmana nambahkeun, di lingkungan BLK eta sadia sarana pelatihan, bahasa, kejuruan, elektronik, informatika, listrik, industri, publikasi, otomatif, agrobisnis, bangunan pangrojong kantor, asrama pikeun nampung 600 urang, kapasitas olahraga sarta sarana ibadah. (  Aming Sutisna    )

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |