Biantara Pileuleuyan Kang Aher Purnatugas Salaku Gubernur Jabar

  • 137 views
  • 0 comments

Bandung, bewarajabar.com - Mangsa jabatan Ahmad Heryawan salaku Gubernur Jawa Barat asup purnatugas atawa rengse poe Rebo 13 Juni 2018. Mapag mungkas jabatanna, Ahmad Heryawan nu dipiwanoh Kang Aher silaturahmi jeung ratusan petugas kaamanan, office boy, sarta cleaning service nu tugas di Gedong Sate.

Dibarengan ku garwana, Ny Netty Heryawan, Kang Aher pamitan ka rengrengan pagawe nu sapopoena digarawe di sabudeureun Gedong Sate. Silaturahmi lumangsung kalayan akrab tur haneuteun.

Kang Aher nginget nginget munggaran dirina katut garwa digawe salaku gubernur. Nurutkeunna, sawaktu digawe teu leupas tina suasana babarengan jeung petugas kabersihan sarta kaamanan nu ampir sapuluh taun mere pelayanan ka dirina di Gedong Sate.

Kang Aher ngahaturkeun nuhun ka para pagawe di Gedong Sate, sakaligus menta hampura mun seug salila sapuluh taun mingpin aya salah. “Hatur nuhun tur hampura mun seug salila ieu ngajenan kurang nyugemakeun. Salam baktos ka ibu bapak sadaya keluarga. Diharepkeun sagala kahadean salila ieu dibales ku kahadean sejenna,” pokna sabari pamitan.

Dina eta kasempetan, puluhan karangan bunga ngaleuyah disabudeureun Gedong Sate, dikirim ti sababaraha kalangan, mimiti ti pausahaan, sakola, jeung pribadi. Eta karangan bunga bentuk apresiasi kana kapamingpinan Kang Aher salila sapuluh taun ngabdi di Jabar.

Koordinator Kamdal (Keamanan Dalam) Gedong Sate, Hidayatika, ngebrehkeun, puluhan karangan bunga eta daratang ti Senen, 11 Juni 2018. “Diitung ku kuring geus aya 90 karangan bunga,” pokna.

Jeroning kitu, Kang Aher ngareunjag tur reueus nitenan karangan bunga nu loba kitu. Kang Aher ngarasa salila ieu masarakat merhatikeun tumali jeung mangsa jabatannana nu bakal rengse. “Muga muga eta karangan bunga jadi tanda persahabatan salila ieu boh jeung komunitas, LSM, ulama, pebisnis, sarta masarakat Jawa Barat umumna,” tandesna. (Amat Heryadin)

Komentar
Nama
Email
Komentar
Masukkan Angka berikut
Jika Anda pernah memberikan komentar sebelumnya di Bewara Jabar, maka sebaiknya Anda menggunakan email yang sama dengan sebelumnya supaya Anda tidak harus melakukan verifikasi kembali.
Jika Anda belum pernah sebelumnya memberikan komentar, maka komentar Anda akan langsung muncul jika Anda sudah melakukan verifikasi. Proses verifikasi sangatlah mudah, Anda cukup meng-klik link yang kami kirim ke email Anda.
Email Anda tidak akan dimunculkan jika komentar Anda disetujui.
jasa pembuatan website murah
©2017 Bewara Jabar All right reserved
Kriminalitas Siber di Dunia Perbankan Perlu Diwaspadai    |    Melalui t-money, bank bjb syariah Lawan Kasus Korupsi    |    Perkokoh Ekonomi Warga via Kredit UMKM bank bjb    |    bank bjb Berkomitmen Dukung Literasi Nasional    |    Hadapi Tantangan 2019 dan Sejumlah Isu, bjb Praktikan Spirit Digitalisasi    |